सूरदास--सखी री, मुरली भई पटरानी ।

सखी री, मुरली भई पटरानी ।

अधर सदा सुख करती स्याम कें,

सुधा       पियति     इतरानी ।।1।।

मोहे पसु,   पंछी    द्रुम  बेली ,

जमुना         उलटि  बहानी ।

सुर  नर  मुनि बस भए नाद कें ,

सबै बस्य      मन,      ध्यानी ।।2।।

तिहु      भुवन      में चली बड़ाई ,

अस्तुति   मुख          मुख गानी ।

सुर स्याम की  अब अरधंगिनि ,

रही   .  झार   .लापटानी ।।3।।  

 ---सूरदास 

सूरदास-मोहन मन मोह लियो

मोहन मन मोह लियो

ललित बेनु बजाई री ।

मुरली धुनि श्रवण सुनत

बिबस भई माई री ।।

लोक लाज कुल की

मरजादा बिसराई री ।

घर घर उपहास सुनत

नेकु ना लजाई री ।।

जप ताप बेदअरु पुरान

कछु ना सुहाई री ।

सूरदास प्रभु की लीला

निगम नेति गाई री ।। 

सूरदास--मुरलिया अपनौ काज कियो ।

मुरलिया अपनौ काज कियो ।

आपुन लूटति अधर सुधा हरि,

हम कौं दूरी कियौ ।। 1 ।।

                    - सूरदास

PKJ

मुरलिया अपनौ काज कियो ।

नन्द नन्दन बस भए बचन सुनि,

तिन्हैं  बिमोह कियो ।

स्थावर चर , जंगम जड़ कीन्हे,

मदन बिमोह कियौ ।।2 ।।

                    - सूरदास

PKJ

मुरलिया अपनौ काज कियो ।

जाकी दसा , रही नहीं वाही,

सबहि चकित कियौ।

सूरदास प्रभु चतुर सिरोमानि ,

तीन कौं हाथ लिऔ ।।3।।

                   - सूरदास

PKJ

सूरदास--माई, मुरली बजाई किन री ।

माई, मुरली बजाई किन री ।

नंद महर को कुँवर कन्हैयासूरदास,

रैनि न जानै दिन री ।।

-----------

माई, मुरली बजाई किन री।

मोहे खग ,मृग औ पशु पालक ,

मोहे बन        उपवन री ।

चलत न नीर , थकित भई जमुना ,

गऊ न           चारै तृन री ।।2।।

                            सूरदास

PKJ

------------

·       माई, मुरली बजाई किन री ।

·       मुरलि बजाई ,सब मन भाई,

·       स्र्वन सुन्यौ जिन जिन री ।

·       सूरदास सकल जन मोहे ,

·       मुरली की धुनि सुनि री ।।3।।

_{·            PKJ}

सूरदास--जब जब मुरली कान्ह बजावत ।

जब जब मुरली कान्ह बजावत ।

                         ---सूरदास

जब जब मुरली कान्ह बजावत ।

तब तब  राधा नाम  उचारत,

बारंबार            रिझावत ।।1।।

तुम रमनी ,   वे रमन तुम्हारे ,

वैसेहिं     मोही   जनावत ।

मुरली भई सौति जो  माई ,

तेरी टहल      करावत ।।2।।

वह दासी , तुम्ह अरधंगिनि ,

यह  मेरे मन   आवत ।

सूर प्रगट ताही सौं कही कही

तुमको स्याम बुलावत ।।3।।

सूरदास-मुरलिया एकै बात कही

मुरलिया एकै बात कही ।

भाग आपनौ अपने माथें ,

मानी यह मनहिं   सही ।।1।।

                   -सूरदास

           

मुरलिया एकै बात कही ।

हम तें बहुत तपस्या नाहीं,

विरह जारी वह      नाहीं ।

कहा निमिष करि प्रेम सुलाकी ,

देखो गुनि जिय      माही ।।2।।

                    -सूरदास  

PKJ

मुरलिया एकै बात कही ।

बात कहति कछु नींदति नाहीं ,

भाग   बड़े       हैं     वाके ।

सूरदास प्रभु चतुर सिरोमनि

ब्सय   भए  हैं    जाके ।।3।।

                    सूरदास

PKJ

सूरदास--मुरलिया अपनौ काज कियो ।

मुरलिया अपनौ काज कियो ।

आपुन लूटति अधर सुधा हरि,

हम कौं दूरी कियौ ।। 1 ।।

                    - सूरदास

PKJ

मुरलिया अपनौ काज कियो ।

नन्द नन्दन बस भए बचन सुनि,

तिन्हैं  बिमोह कियो ।

स्थावर चर , जंगम जड़ कीन्हे,

मदन बिमोह कियौ ।।2 ।।

                    - सूरदास

PKJ

मुरलिया अपनौ काज कियो ।

जाकी दसा , रही नहीं वाही,

सबहि चकित कियौ।

सूरदास प्रभु चतुर सिरोमानि ,

तीन कौं हाथ लिऔ ।।3।।

                   - सूरदास

PKJ